अन्तिम दिनको बारेमा ३ ईश्वरशास्त्रीय दृष्टिकोणहरु ।

ईसाई ईश्वरशास्त्र भित्र प्रत्येकले विशेष गरी ख्रीष्टको पुनरागमन, सहस्राब्दी र अन्तिम न्यायको बारेमा ति घटनाहरु कसरी समापन हुन्छ भन्ने बारे एक फरक दृष्टिकोण प्रस्तुत गर्दछन । जसमध्ये मुख्य ३ ईश्वरशास्त्रीय दृष्टिकोणहरु निम्न रहेका छन ।

१. पूर्वसहस्राब्दीवादको दृष्टिकोण

यस पुर्वसहस्राब्दीवाद दृष्टिकोण अन्तगत विशेषगरी अन्तिम समयको बारेमा बाइबललाई शाब्दिक रुपमा व्याख्या गर्ने गर्दछन । जसमा दुई दृष्टिकोण रहेका छन ति यस प्रकार छन ।

क. डिस्पेन्सेशनल पूर्वसहस्राब्दीवादको दृष्टिकोण

डिस्पेन्सेशनल पूर्वसहस्राब्दीवादको दृष्टिकोण अनुसार विशेषगरी अन्तिम समयको बारेमा बाइबललाई शाब्दिक रुपमा व्याख्या गर्ने गर्दछन । पहिलो चरणमा येशू ख्रीष्ट आकाश सम्म मात्र आउनुहुनेछ । थेसलोनिकी ४ः१३–१७ अनुसार जब येशू बादलमा आउनुहुनेछ त्यतिबेला नयाँ नियमका विश्वासीहरु बौरी उठ्नेछन भने जिवितहरु चाहीँ येशू ख्रीष्टलाई आकाशमा भेट्नलाई जानेछन । जसलाई उठाईलगिने ( च्बउतगचभ ) भनिन्छ । त्यसपछि पृथ्वीमा दानियल ९ः२७ अनुसार ७ वर्ष महासङ्कष्ट हुनेछ । सात वर्षको महासंकष्ट पश्चात प्रकाश १९ः११–२१ अनुसार उहाँको दोस्रो चरणको आगमन हुनेछ । अनी उहाँले प्रकाश २०ः१–६, अनुसार उहाँले दाउदको सिंहासनमा १००० वर्ष राज्य गर्नुहुनेछ । यति बेला शैतान बाँधिएको हुनेछ । पुरानो करारका विश्वासीहरु जो बौरी उठ्नेछन अनी महासंकष्ट पार गरेका विश्वासी यति बेला ख्रीष्ट सँग राज्य गर्नेछन । त्यसपछि शैतानलाई प्रकाश २०ः७–१० अनुसार छोडिनेछ अनी उसले मानिसहरुलाई बहकाउन थाल्नेछ तर त्यहि समयमा उ सदाको निम्ति आगो र गन्धको कुण्डमा फालिनेछ । अनी प्रकाश २०ः११–१५ अनुसार अविश्वासीहरुको इन्साफ गरिनेछ र उनिहरुलाई पाताल अग्निकुण्डमा फालिनेछ । तर प्रकाश २०ः१–४ अनुसार विश्वासीहरु सदाको निम्ति अनन्त राज्यमा प्रवेश गर्नेछन ।

ख. ऐतिहासिक पूर्वसहस्राब्दीवादको दृष्टिकोण

ऐतिहासिक पूर्वसहस्राब्दीवादको दृष्टिकोण अनुसार विशेषगरी अन्तिम समयको बारेमा बाइबललाई शाब्दिक रुपमा व्याख्या गर्ने गर्दछन । उनिहरुका अनुसार येशूको आगमन दुई चरणमा हुनेछ । एक समय यस्तो आउनेछ त्यतिबेला मण्डलीमा पतन आउनेछ अनी त्यसपछि महासंकष्ट शूरु हुनेछ । पहिलो चरणको आगमनमा सुतिगएका विश्वासीहरुको बौरी उठाई हुनेछ अनी जिउँदाहरु येशूलाई आकाशमा भेट्न जानेछन । थेस ४ः१३–१७ दोस्रो चरणमा ख्रीष्ट फेरी आउनुहुनेछ । प्रकाश १९ः११–२१, अनी एक हजार वर्षको अवधीमा दाऊदको सिंहासनमा शासन गर्नुहुनेछ । प्रकाश २०ः१–६, १००० वर्षे राज्यको अन्त्यमा शैतानलाई छोडिनेछ । त्यसले विद्रोह मच्चाउनेछ । प्रकाश २०ः७–९ अनी शैतान र त्यसका दुष्ट सेनाहरुलाई आगोमा फालिनेछ । प्रकाश २०ः१०, २१ः८ अनी सबै अविश्वासीहरुको बौरी उठाई हुनेछ अनी तिनिहरुको इन्साफ हुनेछ र तिनिहरुलाई सदाको निम्ति अग्नि कुण्डमा फालिनेछ । प्रकाश २०ः११–१५ र विश्वासीहरु भने सदाको निम्ति स्वर्गिय राज्यमा राज गर्नेछन । प्रकाश २१ः१–४

२. उत्तर सहस्राब्दीवादको दृष्टिकोण

उत्तर सहस्राब्दीवादको दृष्टिकोण अनुसार यस दृष्टिकोणमा विश्वास गर्नेहरुले १००० वर्षे शासनकाललाई शाब्दिक रुपमा नभई यसलाई आलंकारीक रुपमा लिन्छन । यिनिहरु विश्वास गर्छन कि इस्राएल र मण्डली छुट्टाछुट्टै होइन तर यो त इस्राएलको निरन्तरता अर्थात पूर्ति हो । त्यसकारण यीनिहरु विश्वास गर्छन कि अन्तिम समयको बारेमा पूरानो करारमा गरेका प्रायजसो अगमवाणीहरु ७० एडि –ई.सं ) मा पुरा भईसक्यो जति बेला येरुशलेमको मन्दिर भत्काईने काम गरियो । अब्राहामलाई गरेको प्रतिज्ञा उत्पती १२ः१–३ नयाँ करारमा सुसमाचार मार्फत पूरा भईरहको छ । शैतान येशू ख्रीष्टको क्रूसको मृत्यु र पूनरुत्थान पछि बाँधिएको छ । त्यसकारण अन्तिम समयमा झन सुसमाचारमा जागृती आउनेछ असल दिनहरु आउनेछन ।
अनी यहुदीहरुले पनी येशू ख्रीष्टमा विश्वास गर्नेछन । अनि यस सहस्राव्दीको अन्तिम समयमा सैतानलाई छोडिनेछ । अनी येशू ख्रीष्टको आगमन हुनेछ अनी येशू ख्रीष्टले सैतान र त्यसका दुतहरुलाई सधैको निम्ति आगोको गन्धकमा फालिदिनुहेछ । प्रकाश २०ः७–१० त्यसपछि मरेकाहरु सबै जिवित हुनेछन जसको नाउँ जिवनको पुस्तकमा लेखिएको भेट्टाईदैन त्यसलाई नरक कुण्डमा फालिनेछ भने जसको नाउँ जिवनको पुस्तकमा लेखिएको छ तिनिहरु अनन्त राज्यमा प्रवेश गर्नेछन । प्रकाश २०ः११–१५, प्रकाश २१ः१–४

३. असहस्राब्दीवादको दृष्टिकोण

असहस्राब्दीवादको दृष्टिकोण अनुसार यस दृष्टिकोणमा विश्वास गर्नेहरुले १००० वर्षे शासनकाललाई शाब्दिक रुपमा नभई यसलाई आलंकारीक (चिन्हको ) रुपमा लिन्छन । यिनिहरु विश्वास गर्छन कि इस्राएल र मण्डली छुट्टाछुट्टै होइन तर यो त इस्राएलको निरन्तरता अर्थात पूर्ति हो । प्रकाशको पुस्तक र दानियलको पुस्तकमा भएका ति संख्याहरु ७, १००० यीनिहरु सिद्धताको सख्या हो ।

परमेश्वरको राज्यको दुई भागको घटना हो । पहिलो भाग येशू ख्रीष्टको पहिलो आगमनको बेला शूरु भयो ( बप्तिस्मा दिने यूहन्ना जसले घोषणा गरे स्वर्गको राज्य नजिकै छ मत्ती ३ः२) येशू ख्रीष्टले सैतान र श्रापमाथी क्रूसको मृत्यु र पूनरुत्थानद्धारा विजय प्राप्त गरिसक्नुभएको छ । साथै शैतानलाई उहाँले बाँध्नुभएको छ । त्यसपछि उहाँ स्वर्गरोहन भईसकेपछि पिताको दाहिने हातपट्टी बसेर दाउदको सिंहासन अन्र्तर्गत सधैभरिको निम्ति शासन गर्दै आईरहनुभएको छ । लुका १ः३२ विश्वासीहरु यस संसारमा जिँउदा सतावट, कठिनाई र खराब परिस्थीतीबाट भएर जानेछन ।

येशू ख्रीष्टको दोस्रो आगमनको दोस्रो भागमा जति पनी अहिले छायामा छन त्यतिबेला वास्तविकता हामीले देख्नेछौँ । हाम्रो मुक्ती पूरा हुनेछ अनी हामी स्वर्गिय महिमामा सदाको निम्ति येशू ख्रीष्टसँग राज्य गर्नेछौँ । येशू ख्रीष्टको दोस्रो आगमन अघि अहिले बाँधराखेको शैतानलाई छोडिईनेछ त्यसले मानिसहरुलाई बहकाउनेछ अनी त्यतिबेला ठूलो धर्मत्याग हुनेछ अनी त्यसलाई र त्यसका दुतलाई सधैको निम्ति अग्नीकुण्डमा फालिनेछ । अर्थात येशू ख्रीष्टले शैतानमाथी न्याय गर्नुहुनेछ । प्रकाश २०ः७–१०त्यसपछि सुतिगएका बौरी उठ्नेछन अनी जिउँदा र ति सुतिगएका विश्वासी अविश्वासी सबै बौरी उठ्नेछन ज जसको नाउँ जिवनको पुस्तकमा लेखिएको छ तिनिहरु अनन्त महिमा प्रवेश गर्नेछन भने ज–जसको नाउँ जिवनको पुस्तकमा लेखिएको छैन तिनिहरु अग्निकुण्डमा फालिनेछन । प्रकाश २०ः११–१५ त्यसपछि विश्वासीहरु सदासर्वदा स्वर्गिय राज्यमा परमेश्वरको प्रजा भएर बस्नेछन । प्रकाश २१ः१–१४

निष्कर्ष: अन्तिम दिनको बारेमा यी फरक फरक दृष्टिकोण भएतापनी यो सत्य हो की येशू ख्रीष्टको दोस्रो आगमन हुनेछ, उहाँले सैतान र जीवनको पुस्तकमा नाउँ नलेखिएकाहरुको न्याय गर्नुहुनेछ तर जीवनको पुस्तकमा नाउँ लेखिएकाहरुलाई भने उहाँले आफू सित लैजानुहुनेछ । जहाँ ति मानिसहरु उहाँको प्रजा भएर सदासर्वता ( अनन्तसम्म ) जिउनेछन ।

पा. निशान घर्ति मगर
गड्स प्लान चर्च, सुर्खेत
मोबाइल न : ९८१९५१२७२०
ईमेल : nissan.magar2014@gmail.com
वेवसाइट : https://christianitynepal.com/