प्रभावकारी आह्वान

वेस्टमिन्स्टर संक्षिप्त धार्मिक–शिक्षाको प्रश्न ३१ को उत्तर अनुसार प्रभावकारी आह्वान भनेको पवित्र आत्माको त्यो काम हो जसबाट उहाँले हामी पापी, दयनीय र विपदग्रस्त छौं भनी हामीलाई स्वीकार गर्न लगाउनु हुन्छ, र ख्रीष्टको ज्ञान–प्रकाशलाई हाम्रो मनमा उजागर गर्नु भएर हाम्रा इच्छाहरुलाई पुनर्जीवित पार्नुहुन्छ, र उहाँले हामीलाई सित्तँैमा दिनुभएको सुसमाचारको माध्यमद्धारा येशू ख्रीष्टलाई ग्रहण गर्न र अङ्गाल्न लगाउनु हुन्छ ।

(२ तिमोथी १ः९, एफिसी १ः१७–२०, इजकिएल ११ः१९, ३६ः२६–२७, यूहन्ना ३ः५, ६ः४४–४५, फिलिप्पी २ः१३, प्रेरित २ः३७, २६ः१८, २ थेसलोनिकी २ः१३–१४, १ कोरिन्थी २ः१०, १२, २ कोरिन्थी ४ः६, व्यवस्था ३०ः५, तीतस ३ः५, प्रकाश २२ः१७, यशैया ४५ः२२, मत्ती ११ः२८–३०)

परमेश्वरले आफ्ना मानिसहरुलाई सुसमाचारद्धारा बचाउन चाहानुहुन्छ । १ कोरन्थी १ः२१,रोमी १ः१६,१०ः१७ तर पनि सुसमाचार सुन्ने हरेक मानिसले स्वीकार गर्दैन । किन कोही मानिसले सुसमाचार सुनेपछी स्वीकार गर्छन अनी कोहीले इन्कार गर्छन ?

यो सुसमाचारको कारणले होइन ।

सबैलाई प्रचार गर्ने सुसमाचार एउटै हो । त्यसमा कुनै फरक छैन । रोमी १०ः१३
सुसमाचारमा कुनै त्यस्तो कुरा छैन जसले मानिसलाई स्वीकार गर्न देखी रोक्छ ।

सुनाईको कारणले गर्दा पनी होइन ।

सम्पुर्ण मानिसजाती बराबर आत्मीक रुपमा पापमा मरेका छन । एफिसी २ः१–३
सबै मानिसहरु प्राकृतिक रुपमा परमेश्वर विरुद्ध छन । रोमी ८ः७–८
ति मानिसहरुलाई त्यहि हालतमा छोडिन्छ । तिनिहरुले सुसमाचारमा विश्वास गर्दैनन । तर तिनीहरु न्यायमा पर्नेछन । १ कोरन्थी २ः१४

कारण कोहीले प्रभावकारी बोलावट पाएका छन भने कोहीले पाएका छैन ।

सम्पुर्ण मानिसजाती एउटै सुसमाचारद्धारा बोलाएका छन तर सबै चुनिएका छैनन । मत्ती २२ः१४
तर केवल केहीले मात्र सुसमाचारको बोलावट स्वीकार गर्छन जसले वास्तवमा तिनिहरुलाई ख्रीष्टमा एक बनाउँछ । कलस्सी १ः९ु
प्रभावकारी आह्वानको स्वीकार बाहिरी आह्वानबाट नै हुन्छ । रोमी १०ः१७, २ थेस २ः१४

प्रभावकारी बोलावटको एक उदाहरणलाई हेरौँ : जब पावल सुसमाचारको यात्राको क्रममा फिलिप्पीमा पुगे तब शबाथको दिनमा नदिको किनारमा सुसमाचार प्रचार गर्दैगर्दा लिडिया नामक एक स्त्रीले सुसमाचारमा विश्वास गरिन । प्रेरित १६ः१४ मा भन्छ ’अनि थिआटीरा सहरकी निवासी, बैजनी वस्त्रको व्यापार गर्ने लिडिया नाउँकी एउटी ईश्वरभक्त स्त्रीले हाम्रा वचन सुनिन्। पावलले बोलेका कुरा ध्यानसँग सुनून् भनेर प्रभुले तिनको हृदय खोलिदिनुभयो । ’ उद्धार परमेश्वरको एकल कार्य हो जुन उहाँले मानिसहरुले सुनाएको सुसमाचारद्धारा काम गर्नुहुन्छ । उहाँले सामान्य बोलावट बाट प्रभावकारी बोलावट दिनुहुन्छ अनी एउटा पापीले प्रतिकृया दिन्छ । त्यसैगरी अर्को उदाहरण लाजरसको बाट पनि हेर्न सक्छौँ युहन्ना ११ः४३ मा येशूले जब मरेको ४ दिन भइ चिहानमा गाडेको लाजरसलाई बोलाउनुभयो तब युहन्ना ११ः४४ मा लाजरस चिहानबाट बाहिर निस्केर आयो । यसरी प्रभावकारी आह्वानद्धारा एउटा मानिस जो पापमा मरेको छ, जब उसले बाहिरी बोलावट लाई पवित्र आत्माले प्रभावकारी बनाईदिनुहुन्छ अनी उसले प्रतिकृया दिन्छ ।

प्रभावकारी आह्वान

प्रभावकारी आह्वान ( भित्री बोलावट ) । रोमी ८ः३०, १को १ः९, २ थेसलोनीकी २ः१३–१४, २ पत्रुस १ः१०
केवल परमेश्वरको काम । २ तिमोथी १ः८–९,१ को १ः९,
परमेश्वरको अनन्तको योजना । रोमी ८ः२८–३०, २ तिमोथी १ः९
ख्रीष्ट येशूमा परमेश्वरको उद्देश्यको सम्पुर्ण भाग । एफिसी १ः४–१०

प्रभावकारी आह्वानमा त्रिएक परमेश्वरको कार्य

येशू ख्रीष्टले क्रूसमा जे जति कमाउनुभयो त्यो उहाँको उपलब्धी थियो । अनी उहाँले कमाएको जे जति थियो त्यो कुरालाई प्रभावकारी आह्वान मार्फत जो जतिलाई पिताले अनन्त योजना अन्तर्गत चुन्नुभएको थियो उनिहरुलाई पवित्र आत्माले बाँडिदिनुभयो । रोमी ८ः३०, हितोपदेश ८ः२२–२६, हिब्रू २ः१०–१४
पिताको अनन्त योजना, पुत्रको द्धारा त्यो योजनालाई क्रूसकमा कार्यन्वयन अनी पवित्र आत्मा मार्फत क्रूसमा पुरा योजनालाई जजसलाई पिताले अनन्त देखि चुन्नुभएको छ ति व्यक्तिहरुमा लागू गरिदिदा एउटा पापी व्यक्तिले उद्धार पाउने गर्दछ । जसकारण प्रभावकारी आह्वानमा त्रिएक परमेश्वरको भूमिका फरक भएता पनी एउटै उद्देश्यमा काम देख्दछौँ ।

प्रभावकारी आह्वान पाएको मानिस ।

प्राकृतिक मानिस सुसमचारलाई स्वीकार गर्दैन तर बोलावट पाएको मानिसले स्वीकार गर्छ ।
प्रभावकारी आह्वान जवरजस्ती गरिने कार्य होइन । तर यो त नयाँ सृजनाको कार्य हो । पवित्र आत्माले परमेश्वरको आवाज ( वचन ) लाई प्रभावकारी बनाइदिनुहुन्छ । अनी बोलावट पाएको मानिसलाई नयाँ स्वभाव र नयाँ चाहाना दिईन्छ ।
त्यसपछि उसले सुसमाचारलाई साँचो देख्छ जसरी एक दृष्टीविहिन मानिसले सुर्यलाई देखेझैँ । २ थेसलोनिकी २ः१३–१४
उसले पवित्र र धर्मि परमेश्वरको अगाडी आफुलाई अयोग्य र दोषी देख्छ । प्रेरित २ः३७, युह १६ः८
उ उद्धारकर्ता (ख्रीष्ट) तिर खिचिन्छ । युहन्ना ६ः४४
उ आफ्ना पापहरुबाट मुक्तिदाता ( येशू ख्रीष्ट ) तर्फ फर्किन्छ । इजिकिएल ११ः१९, ३६ः२६–२७, प्रेरित २६ः१८

पा. निशान घर्ति मगर
गड्स प्लान चर्च, सुर्खेत
मोबाइल न : ९८१९५१२७२०
ईमेल : nissan.magar2014@gmail.com
वेवसाइट : https://christianitynepal.com/